Transcription
1
Monsieur, Jay receu votre lettre me semblant par le contenu
2
dicelle et aussi a ce que ma dict le mareschal des lougis
3
que vous estes marry contre moy. Jaymeray myeulx
4
navoir jamais entré au Dauphiné que de vous en
5
avoir donné occasion et ce qui ma faict vous envoyer.
6
Ce que monseigneur le prince avoit faict pour la fasson de
7
vivre pour sa compaignie n’a esté en autre intention
8
que pour vous fère cognoistre lenvye que jay du
9soulaigement du païs, cognoissant bien par là [barré : l ]
10
la consequence quil en pouvoit arriver pour les autres
11
compaignies, qui est la cause que je vous lay envoyé,
12
jusques à present nous estant toujours contentés du pressedant
13
comme nous faizons de celluy quil vous plaict à present nos
14
ordonner, encores quil est bien mal aizé dy pouvoir vivre
15
et au très grand regreit dune partye des mes compaignons, qui
16
disent qung homme de pied auroit prou affaire à vivre de
17
quinze solz à la grand charté qui est aujourdhuy. Toutefois,
18
nous ne voulons pas rompre la loy puis que les autres
19
lobservent ; et quant aulx lieulx que me mendés conduire
20
la compaignie, je me delibère la mostre faicte, my en aller
21
et nont seulement en celluy là, mès en tous les autres quil
22
vous plaira noz ordonner pour le service du roy. Je nay
23
poinct envoyé les lettres que escripvyés à messieurs du pays
24ny celles [barré : cy ] de messieurs de ceste ville parce que nouz
25
voulons observer ce que les autres font. Vous supplyant
26
comender à monsieur de Monlehu nous venir faire notre mostre
27
estant notre trezaurier et argent arrivé despuis arsoir, comme
28
entendrés plus amplement par ce gentilhomme present porteur, que
29
jenvoye exprès vers voz, qui me gardera de vous en fère plus
30
longue lettre, presentant à votre bonne grace mes plus que humbles
31
recomendations, priant le Createur vous donner,
32
monsieur, en parfaicte saincté, très heureuze longue vye. De
33
Romans ce XXIIIIme mars.
34
Votre plus ensyen et houbeysant
35
souldat à vous fère servysse Delarochejoubert